وأنــا مالي ؟!

ماليش دعوة خليني في حالي .. وأنا مالي باللي بيحصل

.

عارفين كلنا طبعاً الجملتين دولا كويس جدا

..

البلد دلوقتي علمت الناس الجملة دي

..

بقينا نمشي في الشارع جنب الحيط حتى لو الشارع مليان حوادث

.

وناس بتغرق وبتموت

.

كل ما تكلم حد يقول لك وأنا مالي

..

وطبعا بكده تكون إنسان سياسي بارع من الدرجة الأولى

..

تمشي في الطريق - رايح لزيكو ع القهوة - وتلاقي واحد عجوز

.

مش عارف يعدي الطريق تقول وانا مالي .. انا مش فاضي

.. دلوقتي حد يجي يعديه

..

قاعد ف الميكروباص والدنيا حر وواحده في سن والدتك واقفة جنبك

.

هتموت من الواقفة تبص لها من تحت لتحت وتقول وانا مالي لو قمت لها

.

هتعب مثلها فخليني احسن كافي خيري شري

..

صحابك في الكلية يتصلوا بيك يلا تعالى ننزل ننتخب ونغير تقول

.

وانا مالي هو صوتي اللي هيغير حاجة

.

قوم ذاكر يا ابني ربنا يهديك وتنجح السنة دي تقول

.

وأنا مالي هذاكر ليه هو فيه شغل يعني

.

فيه مسيرة اليوم ضد الجدار العازل تعالى انزل معانا وتقول وانا ماااااالي

.

رجليا منملة يا شباب وبعدين مسيرة ايه هو حد هيعبركم اصلا

.

ما رأيك فيما يحدث الآن في البلد ؟ ترد بكل سخرية وانا مالي

.

البلد مبقتش بلدي اقول رأيي فيها ليه

.

في امن الدولة نقول منعرفش

.

وفي حياتنا نقول وانا مالي

.

صحييييح

.

وانا مالي .. اقول لكم حاجة زي دي ليه أصلاً

..

ما أخليني في حالي احسن دى حتى السكوت من دهب وانا مالي

..!