للعدالة وجه آخر ..

خمر ونساء .. ومجالس غناء ..

.

هكذا اعتدنا منذ طفولتنا - المكذوب عليها - ان نسمع هذه الجملة

.

كتلخيصا سريعا ومعبرا عن حياة الخليفة العباسي هارون الرشيد

.

نعم .. هذه الجملة كذب بل إفترااء .. !! لا أعلم لم كان هذا التضليل ..

.

ولأي سبب كان الافتراء .. لصالح من كان .. وبأي اعتبار سلمنا بأنباء

تواترت الينا دون بحث أو تحري ..

.

رجلا علمنا انه كان يحج عاما ويجاهد عاما .

.

ولا يمنعه عن الحج شيئا سوى الجهاد والغزو .. رجلا قيل عنه :-

..

فمن يطلب لقاءك أو يرده

فبالحرمين أو اقصى الثغور

ففي أرض العدو على طمر

وفي ارض الترفه فوق كور

..

كان الرشيد على غير ما تصوره بعض كتب الأدب والمسلسلات التاريخية

.

التي هبطت بنا اثناء عرضها لسيرة الرجل ،

.

بل كان هارون دينا محافظًا على التكاليف الشرعية،

.

حتى لقد وصفه مؤرخوه أنه كان يصلي في كل يوم مائة ركعة إلى أن فارق الدنيا،

.

ويتصدق من ماله الخاص

،

اشتهر بحروبه ضد الروم .. قبل توليه الخلافة وبعدها
.

فقام بتنظيم الثغور المطلة على بلاد الروم على نحو لم يعرف من قبل

.

فعمرها بالجند وزاد فى تحصيناتها وعزل الجزيرة وقنسرين عن الثغور وجعلها منطقة واحدة
.

عاصمتها أنطاكية لتكون الخط الثاني للثغور الملاصقة للروم
.

واهتم بتولية كبار القادة عليها لأهميتها
.

وأعاد للأسطول الإسلامي نشاطه وحيويته ليواصل دعمه فى جهاد مع الروم

.

وليسيطر على الملاحة فى البحر المتوسط , فأقام دارا لصناعة السفن

,

وفكر فى ربط البحر الأحمر والبحر المتوسط

.

وفتح بعض جزر البحر المتوسط مثل "رودس " و"قبرص " و"كريت "
.

فأجبر ملكة دولة الروم على طلب الهدنة والمصالحة مقابل دفع جزية سنوية له
.

وكالعادة وبكل سعادة :......>
.

نقض إمبراطور الروم الذى خلف الملكة - ايريني - المعاهدة وكتب إلى هارون الرشيد
.
" من نقفور ملك الروم إلى هارون ملك العرب , أما بعد

.

فإن الملكة إيريني التي كانت قبلى أقامتك مقام الأخ فحملت إليك

.

من أموالها لكن ذاك ضعف النساء وحمقتهن فإذا قرأت كتابى

.

فاردد ما حصل قبلك من أموالها وأفتد نفسك ..!!!

.

ها .. وهارون الرشيد عمل ايه بقى قدام التهديد المستفز دي ؟!

.

مش زي ما قالولنا على فكرة بالظبط .. هارون لم يستسلم بأي شكل .. بالعكس ..

.

فهذا ما حدث :-

وخرج بنفسه حتى وصل هرقلة وهي مدينة بقرب القسطنطينية

.

فاضطر نقفور إلى الصلح وحمل مال الجزية إلى الخليفة ,

لكنه عاد لينقض الهدنة بعد عودة هارون الرشيد

,

فعاد هارون الرشيد إلى قتاله وهزمه وقتل أربعين ألفا من جيشه
.
وجرح نقفور نفسه , وفى العام التالي 189هـ حدث الفداء بين المسلمين والروم ولم يبق مسلم فى الأسر


وظل عهده بين جهاد وحج

حتى جاء عام 192هـ حين خرج لخراسان لإخماد بعض الفتن والثورات فلما بلغ مدينة طوس توفى فى 193هـ
.
وانتهى العصر الذهبى للدولة العباسيـة
.
وبدأوا يشوهون صورته ..!!

.

وما زلت اتساءل لم كان الخطأ والقذف .. ولما لم نتأكد يوما مما ينقل إلينا

..

على أية حال

..

أعتذر بشدة لهذه الصورة الخاطئة .. وأتمنى ان تنشروها ايضا لمن يهمه الأمر

..

و

دمتم بكل ود

اتنين في واحد

السلام عليكم ورحمة الله وبركاته ..

أولاً :- أنا فرحاااااااااااانة جدا جدا جدا في البوست دى

..

لأن ملامحه مختلفة نوعا ما

.

في حياتي .. انا هنا بحتفل بأمرين

::

أمرين ؟! ايه هما بقى ؟!

.

أولاً :- عيد ميلادي كان من يومين بس

..

وكده أتممنا شوط كبير جداً في حياتنا

..

والواحد حس انه كبر وخلاص ولازم يكون مسئول عن أمته قبل

..

( ليس منا من لم يهتم لأمر المسلمين )

.

كان يوم ميلاد غريب ( مش هنقول عيد ميلاد ) مش عارفه حسيته مختلف تماما

.. **

كان في عز الامتحانات وتاني يوم على طول

.

كان عندي امتحان محادثة اسباني ( يا حفيظ ) **

.

غير كده قررت العام دى ( أكون غــيــر ) بمعنى قررت اعمل كل حاجة

.

تجاهد النفس .. لابد من مجاهدة النفس أكثر من ذلك

..

قررت أجعل هذا العام محتفل بأكبر كم من القضايا العقائدية والأخوية

..

قررت اجاهد نفسي واجعلها مطمئنة .. قررت اقرب من ربنا أكثر وأكثر

..

قررت أبوس ايد ماما كل يوم الصبح ..

..

قررت أذاكر واجتهد مش بس في درستى لا بالعكس في أي مجال ممكن

.

أخدم فيه .. قررت اعمل عمل جماعي تطوعي نبث من خلاله افكارنا وهممنا

..

قررت اجعل حياتي كلها تحت عنوان ( أنا غــيــر )

ـــــــــــــــــــــــــــــــ

دى بخصوص 27/ 1 يوم ميلادي يعني ..

.

طيب وايه الأمر الثاني .؟!

.

اصبروا بقى هقولكم اهو

..

ثانياً :- انا خلصت امتحااانات التيرم .. لا ياشيخة ؟

.

آه والله .. خلصت اخيرااااااا

.

اسبوعين عدوا ببطء بس عدوا

..

شفنا فيهم كافة النكت وضحكت فيهم ضحك - من كتر

الاكتئاب - رهيييب

..

واخيرا خلصت الامتحانات وامامي من الآن 30 يوم بالتمام والكمال وارجع للدراسة ..

.

اخيراااااا .. هدون براحتي وافتح الماسنجر براحتي

.

وازور اقاربي براحتي واصل الود

.

براحتي واشوف مشاريعي براحتي واضحك براحتي ( قال يعني مكناش بنعمل كده في الدراسة ) !!

.

.. ما علينا .. محدش يركز ( خلوني اتكلم وخلاص )

:::

المهم .. بلاش اضيع وقت اكثر من كده .. وخلونا نبدأ في خطط الأجازة

..

وعقبال الجميع ياااااااااااااااااااااااااااااااااارب

و

دمتم بكل عزة

ما المعركة بدأت واللي كان كان ..!

كل سنة وانتم طيبين .. الامتحانات بدأت عقبال عندكم

.

( الناس اللي خلصت متركزش في الكلمتين دول علشان الحقد العلني بس )

.

هنختفى بعد اذنكم الشهر القادم كله باذن الله ..

.

المدونة هتوحشنى خالص بس مش مشكلة الامتحانات برضه وحشت الواحد ..

.

هنرجع تاني للبرشام والضغط والاحباط المستمر ..

.

والله احسن حاجة في جو الامتحانات .. ان الواحد بيشوف حاجات كتيره جدا

.

يعني مثلاً في ناس زي حالاتي دلوقتي عاملة كده

::

::

::

وفي ناس يا ولداه من كتر ما عملت زيي والكتب بهدلتها عملت كده

::

::

::

وفي ناس بقى زي حالاتي برضه

.

منظرهم في قاعة الامتحانات يفطسك على روحك م الضحك .. ويكون كده

::

::

::

المهم .. سيبكم انتم من الكلام دى

..

ادعولنا وخلاص بتوفيق الحال .. وربنا يكرم

.

بجد هفتقدكم جداااااااااااااا المده الطويلة دي

..

وهفتقد ملامح المدونة بس هنقول ايه

.

مجبر أخاك لا بطل

..

يلا .. نقول لكم

::

::

::

دمتم بكل ود

أحمد باشا سنجه ..

السلام عليكم ورحمة الله وبركاته ..

حياكم الله

طبعا كلنا سمعنا عن اخر قرار جمهوري .. باقالة د. يسري الجمل

..

وتعيين أحمد زكي بدر ( رئيس جامعة عين شمس ) بدلاً منه

..

أحمد زكي بدر ..!! أحمد ذكي بدر !!!

.

اه وربنا .. احمد ذكي سنجة .. يووووه أقصد أحمد ذكي بدر !! تخيلوا دي !!

.

الله يكرمك يا كبير .. تشيل الفلة الكميلة دي

:

:

وتحط الفلة الكميلة دي

:

:

لا وايه .. الناس فرحانة في الشوارع ومهللة

..

طووووويب .. أنا بقى عاوزة اقول حاجة

:-

أولاً : الناس اللي فرحانه بالقرار وبتقول الكادر ومش الكادر

.

( بناءا على ان د/ يسري مش كان موافق على خطته ) بلاش تفرح

.

ليه بس يا بنتي

..

لان اللي مانع الكادر ومعرقل وصوله مش وزير التعليم

..

دى السيد المبجل وزير المالية !!

.

ودى مش كلااااااااامي .. دى كلامهم هما

..

ثانياً : فين آدمية القرار ..

.

يعني الراجل يا ولداه يخرج يشوف حملات تطعيم المدارس ويرجع

.

يلاقي الكرسي بتاعه عليه حد تاني ..!

.

مهما كان اللي قدامنا شخصيته فيها كل العبر وتصرفاته منتقدينها بس مينفعش

..

أخلاقيا مينفعش كده

..

صح ولاايه ؟!!

.

ما علينا .. تعالوا نكمل ؛

.

ثالثاً : مش لاقي غير احمد زكي وتخليه وزير للتعليم !!

.

لاء بجد اطمنوا يا جماعه على مستقبل اولادكم

..

مشرف ومشرق باذن الله

!

.

أحمد زكي !!!!!!!

.

دى ما شاء الله من بداية ما اتعين اصلا وهو فله

..

كان ال 23 على الدفعة .. وطبعا ابن وزير الداخلية لازم يتعين

..

س:: طيب .. ال 23 دى هنيعنه ازاي يا كوسه ؟؟

.

الكوسة :: عينوا ال 23 طالب كلهم علشان عيون ابن الباشا

..

جامعة تعين 23 طالب من دفعة واحده ! ..

.

( جيت لصالح الغلابة اللي في النص يلا عقبالنا )!

.

يعني التعيين من البداية كوسة

..

ماشي وبعدين ؟

.

وبعدين هو مش الباشا برضه اللي وقف لنا

.

وقال ممنوع دخول الطالبات المنتقبات الامتحان ؟؟!!

.

والبنات يا عيني اتبهدلت وداخله من غير نقاب

.

وخارجة من الامتحان بالنقاب وحاجة اخر دلع بصراحة

..

مش الباشا برضه اللي حط اتوبيسات في طريق الموظفين وزود نسب التحرررررش

ولا مش الباشا برضه اللي سمح للبلطجية يدخلوا الجامعه

.

( كان نفسي تشوفوا المنظر ) .. أيوه جاب بلطجية وقال لهم اتكلوا على الله

..

ودى طبعا علشان يضربوا الطلاب المشاركين في انتخابات الاتحادات الطلابية

..

دى كفاية معركته الشهيرة مع طلبة الإخوان المسلمين في الجامعه

..

يعني واحد بوظ نظام جامعة جابوه وزير للتعليم

..

ومن يسري لأحمد سنجة يا قلبي لا .......

::

::

::

و

دمتم بكل ود ..

رجل أحب شعبه

علي عزت بيجوفيتش

لمن لا يعرفه ..

على عزت بيجوفيتش هو الرئيس البوسني الذي انتصر لكرامة المسلمين في العالم أجمع ..

فاستحق أن نقول عنه

::

::

::

:: رجل أحب شعبه ؛ فأحبه العالم ::

::

::

::

19 - 10 - 2003

هو يوم الوداع العالمي لهذه الأسطوره ..

وما زلنا في قيد البحث ..؛

و

دمتم بكل ود

جميلة الأغصان الشائكة

مساء أمس .. وأنا أقلب صفحات كتابي ( من اليسار الى اليمين ) وجدتها فجأة تطل معي على كلمات سرح بها قلمي على حافة صفحتي ..

فقد اقتطف قلمي مساحة من الهامش اثناء مذاكرتي وخطط لها عينان مثل القمر في النور ؛ ووجهاً كله عزة .. ملامحها عبارة عن

قلب شجاع هز الاستعمار ..

وعين متسعه عميقة بعمق فكرها

وأنف عالية بعلو مكانتها وعزتها ..

وفم بصقت منه على ابدان الجبناء والأذلاء ..

وخصلات شعر أسود مثل ذكريات العدو لها ..

وأذن صائبة سمعت اصوات الحق وعملت بها ولها

في مطلع الستينات كانت الحقيقة ؛ وفي مطلع كتابي الصغير كانت المخيلة

وبتوارد الخطوط بدت تماما كهذه الصورة

جميلة ابو حريد ..؛

عزة نفس تأبى الخنوع ..

فقط اتمني أن نري مثلها قريبا ..

::

::

::

وأخيراً

اينما وجد المبدأ .. وجدت المقاومة

ألفين مبروك

السلام عليكم ورحمة الله وبركاته ..

البوست دى بالتحديد غير أي بوست .. لان البوست دى فيه بنوته غير كل البنوتات ..

ودى لان يوم 30/12/2009 .. يعني تقريبا اخر ايام العام السابق ولدت الحفيدة الجديدة لأبي وأمي ..

كان يوم صعب جداااا ومر علينا ببطئ رهييب ..ودى لاعتقادي ان من اصعب لحظات الانتظار .. انتظار مولود متعب من أم متعبه ( لا مؤاخذه يعني )

المهم ان بعد كل دى الأخت الكريمة هلت علينا بفرد جديد في أسرتنا الصغنتوته .. وبقيت خالتو كمان .. يااااااااااااااه معقولة ؟!

الواحد بيكبر والأيام بتمر بسرعة وكل ما نكبر ألقابنا كمان بتتغير معانا وبتزيد يوم بعد التاني ..

ومش هنسى طبعا ابارك لوالد الطفلة ولمامتها وناخد فيهم ثواب ..
ومش هنساكم انتم كمان من السبوع :: اتفضلوا ::

وعقبالكم جميعااااااااااااااااااااااااا لما تفرحوا بأولادكم محررين للأقصى ورافعين رايات النصر .. ونبارك لكم بضمير

و

دمتم بكل ود